ಇಂಧನ ಉಳಿಸಿ

ನೀರ್ಚಾಲು:- ಮ.ಸಂ.ಕಾಲೇಜ್ ಎಲ್.ಪಿ.ಶಾಲೆ ಪೆರಡಾಲ ನೀರ್ಚಾಲು ಶಾಲೆಯ ಅಧ್ಯಾಪಕರು ಹಾಗೂ ವಿದ್ಯಾರ್ಥಿಗಳು
ಇಂಧನ ಉಳಿಸಿ ಪ್ರತಿಜ್ಞೆ ಮಾಡಿದರು.

ಕುಂಬಳೆ ಉಪಜಿಲ್ಲಾ ಮಟ್ಟದ ಕಲೋತ್ಸವದಲ್ಲಿ ತೃತೀಯ

ನೀರ್ಚಾಲು :- ಕುಂಬಳೆ ಉಪಜಿಲ್ಲಾ ಮಟ್ಟದ ಕಲೋತ್ಸವದಲ್ಲಿ ಪೆನ್ಸಿಲ್ ಡ್ರೋಯಿಂಗ್  ನಲ್ಲಿ ಎ+ನೊಂದಿಗೆ ತೃತೀಯ ಸ್ಥಾನ ಪಡೆದ ಭರತ್ ರಾಜ್. ಕೆ 4 ನೇ ತರಗತಿ. ಶಾಲಾ ಮುಖ್ಯೋಪಾಧ್ಯಾಯಿನಿ ಹಾಗೂ ಅಧ್ಯಾಪಕ ವೃಂದ ಇವನನ್ನು ಅಭಿನಂದಿಸಿದ್ದಾರೆ.

ಬಾಲಕಲೋತ್ಸವ

ಭಾಷಣ ಸ್ಪರ್ಧೆಯಲ್ಲಿ ತೃತೀಯ ಬಹುಮಾನ ಪಡೆದ ವಿದ್ಯಾರ್ಥಿನಿ

ಸ್ವಾತಿ ಕೆ ನಾಲ್ಕನೇ ತರಗತಿ

ವಿಜ್ಞಾನ ಮೇಳ ಹಾಗೂ ಗಣಿತ ಮೇಳ

ವಿಜ್ಞಾನ ರಸಪ್ರಶ್ನೆಯಲ್ಲಿ ದ್ವಿತೀಯ ಬಹುಮಾನ ಪಡೆದ ವಿದ್ಯಾರ್ಥಿ 

ಕೃಪಾನಿಧಿ.ಕೆ ನಾಲ್ಕನೇ ತರಗತಿ

ಗಾಂಧಿ ಜಯಂತಿ

ಗಾಂಧಿ ಜಯಂತಿ ಆಚರಣೆಯ ಕೆಲವು ನೋಟಗಳು .

ಹಿರಿಯನಾಗರಿಕರ ದಿನ

ಹಿರಿಯ ನಾಗರಿಕರೂ ನಿವೃತ್ತ ಅಧ್ಯಾಪಕರೂ ಆದ
ಶ್ರೀಯುತ ಸಂಕಪ್ಪ ಪೂಜಾರಿ ಯವರು ತಮ್ಮ ಬಾಲ್ಯ ,
ಆರಂಭದ ವೃತ್ತಿ ಜೀವನ ಮತ್ತು ಇಂದಿನ ಮಕ್ಕಳ ಬಾಲ್ಯ ,ಜೀವನ
ವಿಧಾನಗಳನ್ನು ಪರಸ್ಪರ ವಿಶ್ಲೇಷಣೆ ಮಾಡಿ ,ಇಂದಿನ ಮಕ್ಕಳಲ್ಲಿ
ಹಿರಿಯರ ಕುರಿತು ಗೌರವ ಕಡಿಮೆಯಾಗುವ ಮನಸ್ಥಿತಿ ಬೆಳೆಯುತ್ತಿರುವ
ಬಗ್ಗೆ ಕಳವಳ ವ್ಯಕ್ತ ಪಡಿಸಿದರು . ಹಿರಿಯರನ್ನು ಪ್ರೀತಿಸಿ ,ಗೌರವಿಸುವ
ಮನೋ ಭಾವ ಬೆಳೆಸಿಕೊಳ್ಳುವಂತೆ ಮಕ್ಕಳಿಗೆ ಕರೆಯಿತ್ತರು .
ಮಕ್ಕಳು ಆ ಬಗ್ಗೆ ಪ್ರತಿಜ್ಞೆ ಸ್ವೀಕಾರ ಮಾಡಿದರು .

ಅವ ರನ್ನು ಶಾಲು ಹೊದೆಸಿ ಸನ್ಮಾನಿಸಲಾಯಿತು .

ಔಷಧೀಯ ಸಸ್ಯತೋಟ

ನಮ್ಮಶಾಲೆಯ ತೋಟದಲ್ಲಿ ಹಲವಾರು ಉಪಯುಕ್ತ
ಸಸ್ಯಗಳು ಇವೆ.

ಅಧ್ಯಾಪಕ ದಿನಾಚರಣೆ

ನಮ್ಮ ಶಾಲಾಮಕ್ಕಳು ಪ್ರೀತಿಯಿಂದ ಅಧ್ಯಾಪಕರನ್ನು ಗುಲಾಬಿಹೂಗಳನ್ನಿತ್ತು
ಗೌರವಿಸಿದರು.

ಮೌಲ್ಯಮಾಪನ

ಪ್ರಸಕ್ತ ವರ್ಷದ ಪ್ರಥಮ ಹಂತದ ಮೌಲ್ಯ ಮಾಪನ ಸೋಮವಾರ ಆರಂಭಗೊಳ್ಳಲಿದೆ

ಓಣಂ ಆಚರಣೆ

ಓಣಂ ಪ್ರಯುಕ್ತ ನಮ್ಮ ಮಕ್ಕಳ ಹೂವಿನ ರಂಗೋಲಿ .

ನಾಳೆ ಓಣಂ ಪಾಯಸದೂಟ .

ಸಮವಸ್ತ್ರ ವಿತರಣೆ

ಸರ್ಕಾರದಿಂದ ಕೊಡಮಾಡಲ್ಪಟ್ಟ ಸಮವಸ್ತ್ರಗಳನ್ನು
ನಮ್ಮ ಶಾಲಾ ವ್ಯವಸ್ಥಾಪಕರು  ಮಕ್ಕಳಿಗೆ ವಿತರಿಸಿದರು.

 ಪಿ.ಟಿ.ಎ .ಸದಸ್ಯರುಗಳು ಹಾಜರಿದ್ದರು.
ಪ್ರತಿಯೊಂದು ಮಗುವಿಗೂ ಎರಡು ಪ್ರತಿಗಳನ್ನು
ನೀಡಲಾಯಿತು.[ ಹೆಣ್ಣುಮಕ್ಕಳು, ಎಸ್.ಸಿ. ,ಎಸ್.ಟಿ.ಮತ್ತು
ಬಿ.ಪಿ.ಎಲ್ ಹುಡುಗರಿಗೆ ಮಾತ್ರ ]

ಸ್ವಾತಂತ್ರೋತ್ಸವದ ಮೆರವಣಿಗೆ

ಸ್ವಾತಂತ್ರ್ಯೋತ್ಸವ

ನಮ್ಮ ಶಾಲೆಯ ಸ್ವಾತಂತ್ರ್ಯದಿನಾಚರಣೆಯ
ಕೆಲವು ನೋಟಗಳು.

ತರಗತಿ ಚಟುವಟಿಕೆಗಳು

ಶಾಂತಿಸಮಾಜ

ನಮ್ಮ ಶಾಲೆಯ ಚಟುವಟಿಕೆಗಳನ್ನೆಲ್ಲ ಸುಗಮವಾಗಿ
ನಡೆಸಲು ಜುಲೈ೩೧ನೆಯ ತಾರೀಖಿನಂದು "ಶಾಂತಿ ಸಮಾಜ" ವನ್ನು
ರೂಪೀಕರಿಸಲಾಯಿತು.
ವಿದ್ಯಾರ್ಥಿನಾಯಕನಾಗಿ ಕೃಪಾನಿಧಿ.ಕೆ,ಸಹಾಯಕಿಯಾಗಿ ಫ್ಹಾತಿಮತ್ ಅಲ್ಫಿನಾ
ಸಾಂಸ್ಕ್ರತಿಕ ಮಂತ್ರಿಯಾಗಿ ಸ್ವಾತಿ.ಪಿ ,ಸಹಾಯಕಿಯಾಗಿ ಭಾವನಾ .ಕೆ,
ಆರೋಗ್ಯಮಂತ್ರಿಯಾಗಿ ಅನಘ.ಟಿ.,ಸಹಾಯಕಿಯಾಗಿ ಯಶಸ್ವಿನಿ,
ಕೃಷಿಮಂತ್ರಿ ಜಿತೇಶ್,ಸಹಾಯಕ ಬಿ.ಪಿ.ನಿಖಿಲ್ .ಆಯ್ಕೆಗೊಂಡರು.

ಸದಸ್ಯರಿಂದ ಪ್ರತಿಜ್ಞಾ ಸ್ವೀಕಾರ , ಶ್ರೀಯುತ ಚಂದ್ರಶೇಖರ ರೈಯವರು
ಪ್ರತಿಜ್ಞಾವಿಧಿಗಳನ್ನು ಭೋಧಿ ಸಿದರು. ಮುಖ್ಯೋಪಾಧ್ಯಾಯಿನಿ ಶ್ರೀಮತಿ ಮೀನಾಕ್ಷಿಯವರು
ಉಪಸ್ಥಿತರಿದ್ದರು.

ತರಗತಿ ಚಟುವಟಿಕೆಗಳು

ಉತ್ಪನ್ನಗಳು

ತರಗತಿ ಚಟುವಟಿಕೆಗಳ ಉತ್ಪನ್ನಗಳು

ಪಿ.ಟಿ.ಎ ಮಹಾಸಭೆ

ಜುಲೈ29ರಂದು ಮಧ್ಯಾಹ್ನ 2.30ಕ್ಕೆಸರಿಯಾಗಿ ಪಿ.ಟಿ.ಎ.
ಮಹಾಸಭೆ ಜರಗಿತು.
ಅಧ್ಯಕ್ಷರು-ಶ್ರೀ ಚಂದ್ರಹಾಸರೈ ,ಮಾತ್ಹೃಸಂಘದ ಅಧ್ಯಕ್ಷೆಯಾದ ಶ್ರೀಮತಿ ಲಕ್ಷ್ಮಿ
ಶಾಲಾವ್ಯವಸ್ತಾಪಕರಾದ ಶ್ರೀ ಜಯದೇವ್ ಖಂಡಿಗೆ, ಉಪಸ್ಥಿತರಿದ್ದರು.
ಹೊಸಕಾರ್ಯಕಾರಿ ಸಮಿತಿ ರೂಪೀಕರಿಸಲಾಯಿತು.
ಅಧ್ಯಕ್ಷರಾಗಿ ಶ್ರೀಚಂದ್ರಹಾಸ ರೈಯವರನ್ನೇ ನಿಯೋಜಿಸಲಾಯಿತು.
ಮಾತ್ರುಸಂಘದ ಅಧ್ಯಕ್ಷೆಯಾಗಿ ಶ್ರೀಮತಿ ಹೆಮಾವತಿಯವರನ್ನು ಆಯ್ಕೆ
ಮಾಡಲಾಯಿತು.ಅಲ್ಲದೆ ಮಧ್ಯಾಹ್ನ ಭೋಜನ ಕಮಿಟಿ ರೂಪೀಕರಿಸಲಾಯಿತು.
ಬಳಿಕ ಮಕ್ಕಳ ಹಿತಕ್ಕಾಗಿ ,ಉತ್ತಮ ಕಲಿಕೆಗಾಗಿ ,ಕೆಲವು ಯೋಜನೆಗಳನ್ನು
ಹಾಕಿ ಕೊಳ್ಳಲಾಯಿತು.
ಮುಖ್ಯೋಪಾಧ್ಯಾಯಿನಿ ಶ್ರೀಮತಿಮೀನಾಕ್ಷಿಯವರು ಸ್ವಾಗತಿಸಿ ಅಧ್ಯಾಪಿಕೆ
ಶ್ರೀಮತಿ ಮಾಲತಿ ಯಂ.ಧನ್ಯವಾದಗಳನ್ನಿತ್ತರು. ಶ್ರೀಮತಿ ಲಲಿತಕುಮಾರಿ
ಪ್ರಾರ್ಥನೆ ಮಾಡಿದರು. ಶ್ರೀಚಂದ್ರಶೇಖರ ರೈಯವರು ಕಾರ್ಯಕ್ರಮ ನಿರೂಪಿಸಿದರು.

School Diary

ಪಂಚಾಯತ್ನಿಂದ ಕೊಡಮಾಡಲ್ಪಟ್ಟ ಡೈರಿ ಪುಸ್ತಕಗಳನ್ನು
ಮಕ್ಕಳಿಗೆಲ್ಲ ಒಂದರಂತೆ ವಿತರಿಸಲಾಯಿತು.

ಪಿ.ಟಿ.ಎ ಮಹಾಸಭೆ

ಜುಲೈ೨೯ರಂದು ಅಪರಾಹ್ನ 2 ಗಂಟೆಗೆ ನಮ್ಮಶಾಲೆಯ
ಪಿ.ಟಿ.ಎ.ಮಹಾಸಭೆ ನಡೆಸುವುದೆಂದು ಕಾರ್ಯಕಾರಿಸಮಿತಿಯಲ್ಲಿ
ತೀರ್ಮಾನಿಸಲಾಗಿದೆ.

ವಿದ್ಯಾರಂಗ ಉದ್ಘಾಟನೆ

ಆಸಕ್ತಿದಾಯಕ ಕತೆಯನ್ನು ಹೇಳಿ ವಿನೂತನವಾಗಿ
ಪ್ರಸಕ್ತಸಾಲಿನ ವಿದ್ಯಾರಂಗಕಲಾಸಾಹಿತ್ಯ ವೇದಿಕೆಯ
ಉದ್ಘಾಟನೆಯನ್ನು ಶ್ರೀಯುತ ಬಾಲಮಧುರಕಾನನ
ಅವರು ಇಂದು ನೆರವೇರಿಸಿದರು. ಮುಖ್ಯೋಪಾಧ್ಯಾಯಿನಿ
ಶ್ರೀಮತಿ ಮೀನಾಕ್ಷಿಯವರು ಸ್ವಾಗತಿಸಿದರು .ಶ್ರೀಯುತ
ಚಂದ್ರಶೇಖರ ರೈಯವರು ಧನ್ಯವಾದಗಳನ್ನಿತ್ತರು. ಶ್ರೀಮತಿ ಮಾಲತಿ
ವೈಯವರು ಕಾರ್ಯಕ್ರಮ ನಿರೂಪಿಸಿದರು.
ಮಕ್ಕಳಿಂದ ವಿವಿಧ ಕಾರ್ಯಕ್ರಮಗಳು ಜರಗಿದವು.

ಸಿಪಿಟಿಎ

ಜೂನ್೧೪ ರಿಂದ ಆರಂಭಿಸಿ ನಮ್ಮಎಲ್ಲಾತರಗತಿಗಳ
ಸಿಪಿಟಿಎ ಗಳು ಸಂಪನ್ನಗೊಂಡವು. ಪ್ರತಿತರಗತಿಗಳ
ಅಧ್ಯಕ್ಷರನ್ನು ,ಉಪಾಧ್ಯಕ್ಷರನ್ನು ಚುನಾಯಿಸಲಾಯಿತು.
ಮಕ್ಕಳ ಕಲಿಕಾಪ್ರಗತಿಯ ಕುರಿತು ಚರ್ಚಿಸಲಾಯಿತು.

ಮಾದಕ ವಸ್ತು ವಿರುದ್ದದಿನ

ಜೂನ್ 26 -ಈ ದಿನ ಮನುಕುಲವನ್ನು ನಾಶಪಡಿಸುವ ಮಾದಕವಸ್ತುಗಳ ಸೇವನೆಯ ವಿರುದ್ದ
ಜನರನ್ನು ಎಚ್ಹರಿಸುವ ಕಾರ್ಯಕ್ರಮಗಳು ಎಲ್ಲೆಡೆ ನಡೆದುವು. ನಮ್ಮ ಶಾಲೆಯಲ್ಲಿ ಮಕ್ಕಳಿಗೆ
ಮಾದಕವಸ್ತುಗಳ ಸೇವನೆಯಿಂದ ಆಗುವ ಕೆಟ್ಟ ಪರಿಣಾಮಗಳ ಬಗ್ಗೆ    ಮಾಹಿತಿನೀಡಲಾಯಿತು .
ಆ ಕುರಿತು ಪ್ರತಿಜ್ಞೆಯನ್ನು ಮಾಡಲಾಯಿತು .

ವಾಚಾನಾದಿನ

ಜೂನ್೧೯ಗ್ರಂಥಾಲಯ ಚಳುವಳಿಯ ಪಿತಾಮಹ
ಪಿ.ಯನ್.ಪಣಿಕ್ಕರ್ರವರ ಚರಮದಿನ. "ಓದಿರಿ ಹಾಗು ಬೆಳೆಯಿರಿ"
ಎಂಬುದು ಅವರ ಸಂದೇಶವಾಗಿತ್ತು.
ಈವಾರವನ್ನು "ವಾಚನಸಪ್ತಾಹ" ವಾಗಿ ನಮ್ಮಶಾಲೆಯಲ್ಲಿ ಆಚರಿಸಲಾಗುವುದು.
ಇದರ ಉದ್ಘಾಟನೆಯನ್ನು ಮುಖ್ಯೋಪಾಧ್ಯಾಯಿನಿ ಶ್ರೀಮತಿ
ಮೀನಾಕ್ಷಿಯವರು ನೆರವೇರಿಸಿದರು. ಶ್ರೀಯುತ ಚಂದ್ರಶೇಖರ ರೈಯವರು
ಈ ಕಾರ್ಯಕ್ರಮದ ಮಹತ್ವವನ್ನು ಮಕ್ಕಳಿಗೆ ತಿಳಿಯಪಡಿಸಿದರು.